ALEXimo Navarro sumouse esta mañá ao adestramento co grupo. Con varios días aínda por diante, o lateral deportivista apunta a que estará a disposición de Imanol Idiakez para o partido deste domingo 8 de outubro ás 19:00 horas en ABANCA-RIAZOR (FEF TV).
Completou con normalidade o traballo, de alta intensidade, cos futbolistas que onte non actuaron de inicio en Fuenlabrada, consistente nunha activación, rondos, un exercicio de posición, fútbol en espazo reducido e finalizacións.
Para os titulares onte no Estadio Fernando Torres a xornada foi de recuperación, con rondos, estiramentos, ximnasio e paso pola padiola dos fisioterapeutas.
A mañá arrincou para na sala de vídeo. "Temos moitas cousas que analizar destes últimos minutos", xa manifestou onte Pablo Vázquez na zona mixta de Fuenlabrada. Jose Ángel, outro dos futbolistas que chegaron da elite, subliñou que "hai que levantarse mañá (por hoxe), ver os erros e a seguir, que queda moito".
Tamén onte Imanol Idiakez vaticinou ante os medios de comunicación unha "semana dura" despois da dolorosa derrota pero pediu xa "recuperarse e pensar no RC Celta. O equipo está vivo, cre no que fai e nese aspecto non teño dúbidas". "Se onde estamos e se cal é a esixencia, co cal son consciente que a semana vai ser complicada pero isto témolo que sacar nós e o equipo ten capacidade. Estou convencido que o imos a facer", concluíu o técnico deportivista.
Con Balenziaga e Yeremay, este xa tamén no campo, con traballo personalizado; Mella, Martín Ochoa e Jairo foron os representantes de #ANOSACANTEIRA.
Os Nosos descansan mañá martes e volverán aos adestramentos o mércores 4 de outubro ás 10:30 en Abegondo, con almorzo previo para o cadro a partir das 8:45 e comida obrigatoria tamén na instalación branquiazul.
