O vindeiro sábado 14 ABANCA-RIAZOR será o escenario dos partidos dos dous primeiros equipos do Club.
Ás 17:00 h. o Deportivo recibirá ao CD Tudelano en ABANCA-RIAZOR en partido correspondente á 36ª xornada en Primeira RFEF, coas cámaras de TVG-2, Footters e fuchs-sports.com.
Dúas horas e media despois (19:30 h.) o Dépor ABANCA xogará no mesmo escenario o transcendental partido para evitar o playout contra o DUX Logroño, en partido da 28ª xornada de Reto Iberdrola, sen cobertura televisiva e co chamamento a todo o Deportivismo para estar detrás das Nosas. O Dépor ABANCA xogará todos os partidos que restan esta tempada no Estadio polas obras de reconstrución do céspede do Campo 1 de Abegondo.
