Fin de semana de actividade reducida en ANOSACANTEIRA debido á festividade do entroido. Por este motivo teñen descanso o Xuvenil B e os dous equipos cadetes e infantís.
O sábado 1 de marzo xoga o Xuvenil A (na foto da noticia) en Avilés (16:00) para seguir no máis alto da División de Honra; e na Torre o Fabril FC Alevín e os dous equipos benxamíns en fútbol 8.
O partido do Alevín A ante o CD Calasanz pásase ao mércores 5 en Abegondo debido á participación esta fin de semana do conxunto deportivista no IV Memorial Luis Quijada na área Deportiva Puente Castro en León.
Precisamente o Alevín iniciou o pasado martes con triunfo no campo da Fontenla de Santa Comba ante o Xallas FC a súa participación no grupo norte do Trofeo Conservas Calvo de fútbol 11.
Compoñen este grupo ademais o Atlético Coruña Montañeros CF, CD Calasanz, Ural Español CF, ED Luis Calvo, San Tirso SD, Atlético Arteixo, Galicia Caranza, Racing de Ferrol, CD Lugo e Victoria CF.
O formato de competición é de liga a unha soa volta. O campión de grupo xogarase o trofeo co campión do grupo sur nunha final que se xogará nas Eiroas (Carballo).
Para o domingo 2 de marzo queda o choque do Fabril na localidade cántabra de Escobedo de Camargo ante o UM Escobedo.
Os fabrilistas, sextos con 34 puntos e un partido menos, visitan para asentarse na zona nobre a un equipo que pelexa por evitar o descenso.
O calendario de partidos, cos resultados dos xa xogados, é o seguinte:
Segunda Federación
25ª xornada: UM ESCOBEDO - FABRIL, o domingo 2 de marzo ás 12:00 no Estadio Eusebio Arce (Escobedo de Camargo, Cantabria)
Clasificación: ... 4. Real Avilés Industrial, 37 puntos; 5. Salamanca CF UDS, Fabril (un partido menos) e Real Valladolid Promesas, 34 puntos; 8. Marino de Luanco, 33 puntos; 9. UP Langreo, 32 puntos; 10. Coruxo FC e Bergantiños CF, 30 puntos... 13. UM Escobedo, 28 puntos...
Categoría xuvenil
23ª xornada: REAL AVILÉS INDUSTRIAL - XUVENIL A, o sábado 1 de marzo ás 16:00 no complexo deportivo Hermanos Castro (Avilés)
Clasificación da División de Honra: 1. Xuvenil A, 58 puntos; 2. RC Celta (un partido menos), 57 puntos; 3. Sporting de Gijón e Real Racing Club, 42 puntos... 16. Real Avilés Industrial, 16 puntos
Clasificación da Liga Nacional: 1. RC Celta B, 55 puntos; 2. Xuvenil B (un partido menos), 52 puntos; 3. Pabellón Ourense CF, 43 puntos...
Categoría cadete
Clasificación da División de Honra: 1. RC Celta, 63 puntos; 2. Cadete, 58 puntos; 3. ED Val Miñor Nigrán, 45 puntos; 4. Arosa SC e SD Compostela, 37 puntos; 6. San Tirso SD Cadete e Pabellón Ourense CF, 35 puntos; 8. Ural Español CF e CD Areosa, 32 puntos...
Categoría infantil
Clasificación da División de Honra: 1. Infantil, 55 puntos; 2. RC Celta, 54 puntos; 3. Pabellón Ourense CF, 41 puntos; 4. Racing de Ferrol (un partido menos), 36 puntos; 5. ED Val Miñor Nigrán, 35 puntos; 6. San Tirso SD Infantil, 33 puntos; 7. CD Conxo Santiago, 28 puntos...
Categoría alevín
Trofeo Conservas Calvo de fútbol 11, grupo norte, 1ª xornada (martes 25): XALLAS FC 0 - ALEVÍN 10 (Lucas Albor -3-, Nico Rodríguez-Ponce -3-, Hugo Quintela -2-, Alejandro Astray e Hugo Álvarez)
17ª xornada: ALEVÍN A - CD CALASANZ, o mércores 5 de marzo ás 19:15 en Abegondo (campo de herba artificial)
17ª xornada: ATLÉTICO CORUÑA MONTAÑEROS CF - FABRIL FC ALEVÍN, o sábado 1 de marzo ás 12:00 en La Torre (campo 1.1)
Clasificación da Primera A Coruña de fútbol 8, grupo 1º: 1. Alevín A, 40 puntos; 2. Ural Español CF, 30 puntos; 3. CD Calasanz, 28 puntos; 4. Fabril FC Alevín e Victoria CF (un partido máis), 26 puntos; 6. Atlético Coruña Montañeros CF (un partido máis), 25 puntos; 7. Orillamar SD, 7 puntos...
Categoría benxamín
17ª xornada: BENXAMÍN A - OZA JUVENIL SD, o sábado 1 de marzo ás 12:00 na Torre (campo 1.2)
17ª xornada: ATLÉTICO CASTROS - FABRIL FC BENXAMÍN, o sábado 1 de marzo ás 13:00 na Torre (campo 1.2)
Clasificación da Primera A Coruña de fútbol 8, grupo 1º: 1. Benxamín A, 48 puntos; 2. Fabril FC Benxamín, 42 puntos; 3. Ural Español CF, 36 puntos... 6. Atlético Castros, 21 puntos... 10. Oza Juvenil SD, 2 puntos
