Este domingo 1 de xuño só xogouse un partido en ANOSACANTEIRA feminina, o do Orzán SD Infantil B ante o Sporting Burgo, correspondente ao grupo 2A de a segunda fase da Liga Galega.
As orzanistas sumaron 1 punto após un partido que acabou en igualada sen goles (0-0) e seguen á fronte do grupo con 19 puntos.
O calendario desta fin de semana estivo marcado pola gran final da Liga Galega cadete.
Fronte a fronte o Orzán SD Cadete cos seus internacionais Antía Veiga e Claudia Sande e o RC Celta.
O encontro xogouse onte sábado no campo de O Viso de Arzúa.
Adiantáronse as orzanistas cun tanto de Ángela Cotelo pero ao final as celestes déronlle a volta: 1-2.
Así pois, o Orzán SD Cadete é subcampión galego da categoría.
En canto ao resto de categorías, tamén onte sábado 31 de maio, na segunda fase da Liga Galega infantil, o Orzán SD Infantil A concluíu o grupo 1A con triunfo por 3-0 ante o SCD Milagrosa.
As orzanistas foron campioas con 30 puntos de 30 posibles; e con 37 goles marcados e unicamente 2 encaixados.
Os resultados da semana foron os seguintes:
Liga Galega cadete
Semifinal, volta (mércores 28): ORZÁN SD CADETE 7 (Claudia Sande, Marta Moreno -2-, Carmen Couto -2-, Naiara Fontenla e Ángela Cotelo) - VICTORIA CF 1. Na ida: 0-1
Final: ORZÁN SD CADETE 1 (Ángela Cotelo) - RC CELTA 2
Liga Galega infantil, segunda fase
Grupo 1A, 10ª xornada (última): ORZÁN SD INFANTIL A 3 (Alba García -2- e Daniela Arrojo) - SCD MILAGROSA 0
Grupo 2A, 9ª xornada: ORZÁN SD INFANTIL B 0 - SPORTING BURGO 0
