Dunia Dahmouni foi convocada pola selección de Marrocos sub-17 para participar nuns adestramentos que terán lugar no Complexo Mohammed VI en Rabat desde mañá luns 19 de febreiro ao domingo 25.
A dianteira orzanista suma 15 goles en 17 partidos xogados co Orzán SD Xuvenil Femenino en Primera Autonómica, sendo a actual terceira máxima goleadora da categoría.
Hai unhas semanas, o central Amin Mustapha do Xuvenil A estivo concentrado co combinado marroquí sub-20.
#ANOSACANTEIRA segue achegando xogadores ás diferentes seleccións nacionais. Así, a Dunia Dahmouni e a Amin Mustapha hai que sumar os españois David Mella, Kevin Sánchez, José Rey, Pablo García, Elena Vázquez e Lucía Rivas.
