Floriángel Mitchell Apóstol Argüelles, 'Michi' Apóstol', (7 de setembro de 2005, Lara, Venezuela) foi convocada pola selección venezolana sub-20 para disputar o Campionato Suramericano que se disputa este mes en Guayaquil (Ecuador).
A futbolista branquiazul xa se concentrou desde o pasado 26 de marzo co seu equipo na cidade venezolana de San Felipe para preparar o devandito torneo.
Os rivais na Primeira Fase da 'Vinotinto' son Bolivia, Colombia, Brasil e Chile. Os 3 primeiros clasificaranse para a Fase Final.
O calendario de partidos para Michi Apóstol, en horario español, é o seguinte:
Venres 12 de abril
23:00: VENEZUELA - BOLIVIA, no Estadio Alberto Spencer Herrera
Mércores 17 de abril
1:30: COLOMBIA - VENEZUELA, no Estadio Alberto Spencer Herrera
Venres 19 de abril
1:30: VENEZUELA - BRASIL, no Estadio Alberto Spencer Herrera
Sábado 20 de abril
23:00: VENEZUELA - CHILE, no Estadio Alberto Spencer Herrera
A atacante venezolana é unha dos membros de #ANOSACANTEIRA que están no radar das categorías inferiores das diferentes seleccións nacionais como tamén Elena Vázquez, Lucía Rivas, Antía Veiga, Kevin Sánchez, José Rey ou Pablo García con España; Dunia Dahmouni e Amin Moustapha con Marrocos; ou Álex Delgado tamén con Venezuela.
