Vera Martínez Viota (Astillero, Santander, 13 de agosto de 1999) incorporouse ao Dépor ABANCA na tempada 24/25 procedente do CA Osasuna (2022-23 e 2023-24). Vera debutou en Liga F na campaña 2021-22 co Deportivo Alavés, club co que logrou ascender a Reto Iberdrola (hoxe Primeira Federación Iberdrola) e a Liga F. Internacional española en categoría Sub-19, comezou a súa carreira no Reocín Racing B na tempada 2013-14 antes de pasar ao primeiro equipo a seguinte campaña. Tamén vestiu a camiseta do Ave Fénix Racing de Torrelavega.