RCDeportivo RCDeportivo RCDeportivo
Skip to main content
GL
PORTADA

Alberto Retuerta, novo xogador do Dépor 22-23

Alberto Retuerta Cuadros (Madrid, 1 de xaneiro de 2002), o RC Deportivo e o Real Madrid chegaron a un acordo para que o futbolista madrileño sexa propiedade do Dépor as dúas próximas temporadas, con opcións futuras.

Retuerta actúa como lateral esquerdo e chega procedente do filial do Real Madrid, club ao que pertencía desde que se incorporou ao seu Alevín B en 2012. Con anterioridade, o futbolista madrileño deu os seus primeiros pasos no CD Vicálvaro (2007-2010) e o Rayo Vallecano (2010-2012).

O novo xogador branquiazul, que hoxe se unirá aos adestramentos do equipo, disputou as dúas últimas campañas na categoría de bronce do fútbol nacional co Real Madrid Castilla, a primeira delas alternándoo co xuvenil A madridista. En ambas acumulou 21 encontros, 19 deles como titular, ademais de 1, tamén de inicio, no playoff de ascenso a Segunda División.