Cani: ''Os asubíos son merecidos porque levamos unha segunda volta moi mala''

Dos asubíos que se escoitaron en Riazor o pasado domingo ante o Xetafe, Cani opina que "son merecidos, porque levamos unha segunda volta moi mala e a xente expresa o que ve no campo. Igual que os xogadores non estamos satisfeitos connosco, eles tampouco".

 

Iso si, expresou o seu desacordo en que se comente que "nos salvemos polos fallos dos demais. Os puntos fixémolos nós, todos. O que pasa é que os fixemos ao principio. Se ao principio fixésemos a segunda volta e agora a primeira, sería o leite. E os puntos serían os mesmos. Creo que os puntos os fixemos nós".

 

Reflexiona Cani en que "se está indo polo camiño fácil, que é ir ao adestrador. Cando vai a cousa mal, botamos ao adestrador, e outro novo. Realmente debemos facer autocrítica todos porque non creo que sexa culpa só do adestrador. El ten o seu parte de culpa porque é unha peza importante, pero os xogadores tamén, a directiva tamén, mesmo vós (os medios de comunicación). Todos os que convivimos no Dépor temos parte de culpa. Todo o mundo".

 

Así, incide en que "nós non tivemos un bo rendemento na segunda volta, el (Víctor) equivocouse en mil cosas, a Directiva faría cousas mal, vós puxestes cousas do vestiario que non eran verdade, ou eran medio verdades. Porque eu estiven aí, e linas. Todos contribuímos".