O xogador do Deportivo Joan Capdevila fué titular no partido de preparación que a selección olímpica disputou ante un combinado de xogadores do Sur de Australia, e gañou por 1 a 5.
A selección olímpica, situada no grupo B, coa República de Corea, Marrocos e Chile, disputará os seguintes encontros dentro do grupo:
-Día 14 ás 18:30 en Adelaide (Hindmars Stadium): República de Corea- España.
-Día 17 ás 20:00 en Melbourne (Melbourne Cricket Ground): España - Chile
-Día 20 ás 20:00 en Melbourne: España - Marrocos
Bassir, pola súa banda, cuxa selección se atopa tamén no grupo B, xogará o día 14 ante Chile, o 17 ante a República de Corea e o día 20 contra España.
Os cuartos de final disputaranse o día 23, as semifinais o día 26, terceiro e cuarto posto o día 29 e a gran final o día 30.
10/07/2007 21:22 |
Andrade: Grazas a todos. Fun moi feliz no Deportivo
As despedidas sempre son tristes. Con todo, lévome da Coruña e do Real Club Deportivo unha chea de recordos, moitos e bos amigos e sobre todo o agarimo dunha cidade irmá ao meu país e o recoñecemento duns afeccionados que sempre me apoiaron, aínda nos malos momentos.
06/07/2007 20:26 |
Deportivo e Juventus chegan a un principio de acordo para o traspaso de Jorge Andrade
O Real Club Deportivo e a Juventus chegaron hoxe a un principio de acordo para o traspaso do futbolista portugués Jorge Andrade ao cadro italiano. O internacional portugués desprazarase nos próximos días a Turín para formalizar a súa incorporación ao histórico club italiano. Jorge Andrade chegou ao Deportivo na tempada 2002-03 procedente do O Porto de Portugal. Disputou no Deportivo un total de 157 partidos oficiais entre Liga, Champions League, Copa Intertoto e Copa do Rei e anotou tres goles, un deles, ante o Newcastle en Riazor na Copa Intertoto da tempada 2005-06, de moi bela factura.
08/06/2007 14:11 |
Aouate e Capdevila incorporáronse aos adestramentos
Os internacionais Aouate e Joan Capdevila foron os últimos internacionais en incorporarse aos adestramentos do Deportivo. Falta unicamente De Guzman, concentrado con Canadá na Golden Cup que se disputa en Miami, e na que sobresaíu como goleador, ao anotar dúas dianas fronte a unha selección mundialista como o foi Costa Rica.
