RCD / NOVAS

Diego Villares, Xogador Estrella Galicia do Dépor 20·21

10/05/2021 13:55

Diego Villares Yáñez (Vilalba, 17 de xuño de 1996) foi elixido polos Deportivistas como Xogador Estrella Galicia do Dépor na Temporada 2020·2021.

12 partidos e pouco máis de 1.000 minutos sobre o terreo de xogo após a súa promoción do Fabril ao primeiro equipo no mercado de inverno serviron ao centrocampista galego para facerse con este galardón. Por iso mostrábase sorprendido e agradecido polo premio: “só foi media temporada pero fixen bos partidos e iso valorouse. Sempre é agradable que a xente aprecie o teu traballo”, sinalou. Optaba ao mesmo xunto a Mujaid Sadick, Álex Bergantiños e Keko Gontán.

Os catro finalistas foron elixidos polos profesionais da comunicación que cobren a diario a información do Deportivo e o gañador, entre 4.238 votos emitidos na conta oficial do Deportivo en Twitter. O 57,9% foron para Villares, o 24,1% para Álex Bergantiños, o 11,6% para Mujaid e o 6,4% para Keko Gontán.

Ao longo desta temporada o propio Keko, Uche, Rolan e Mujaid levaron premios ao Xogador Estrella Galicia do mes.