Fabricio: A liga vai ser un continuo sufrimento e temos que estar mentalizados e ser fortes
Fabricio aseguró esta mañana en rolda de prensa en Abegondo que "ímonos a xogar a vida cada fin de semana e temos que dalo todo coma se fose o último partido. Ésa ten que ser a idea, dalo todo no terreo de xogo e algunhas
O meta deportivista ve "difícil que os equipos de arriba perdan puntos cos de abaixo. Sabiamos desde un principio que a liga ía ser difícil, dura, agónica. Vai ser un continuo sufrimento e temos que estar mentalizados e ser fortes para iso".
Unha das claves, a xuízo de Fabricio, "é gañar aos da túa Liga. Despois se podes raspar cos equipos grandes, moito mellor. Vai estar moi sufrida, moi rifada ata o último momento e temos que mentalizarnos e ser fortes", insiste.
A nivel persoal, confesa sentirse "moi ben fisicamente. E un porteiro seguro é a idea de cada un de nós. Tanto Germán como eu a idea é transmitir seguridade aos compañeiros. Cada un temos que facelo o mellor posible porque éso transmite unha enerxía positiva que contaxia ao que ten á beira. E esa é a nosa idea".
Fabricio ademais eloxiou ao seu adestrador, Manu Sotelo, preparador de porteiros do Real Club Deportivo: "Manu dá todo de si. Tenta facer os mellores adestramentos posibles. Non só como adestrador, como persoa é un fenómeno. Entende ao xogador. É innovador nos seus métodos, non só á hora dos exercicios, tamén de visualizar partidos, penaltis... É un gran adestrador de porteiros".
Iso si, non se esquece de José Sambade, o ex técnico de porteiros do Club, agora enrolado nas filas do Besiktas turco: "É o meu pai. Foi un dos grandes alicerces da miña estancia aquí cando cheguei. Fíxome a vida moito máis alegre, axudoume á recuperación da morna cando ma partín e foi o meu pai aquí".
