Juca, que xa traballou un par de días en Abegondo, destacou que os compañeiros "me recibiron moi ben. Creo que se vai a dar un gran ambiente de traballo e iso é moi positivo".
Angulo, pola súa banda, cre que o feito de vir cedido unha tempada "vaime a facer dalo todo polo Depor para poder quedarme".
Filipe
Respecto ao caso Filipe, o Presidente branquiazul recoñeceu reunirse en Madrid co futbolista, ao que viu "ansioso e con desexos de marcharse". Ademais, manifestou que no breve encontro que mantivo con Joan Laporta o pasado venres na Asemblea Xeral da Federación Española, recriminoulle a forma de actuar do Barcelona neste asunto, ao dirixirse primeiro ao xogador antes que ao Deportivo. Laporta "fíxome chegar as súas desculpas", engadiu Lendoiro, que pediu agora "sentar a falar, a dialogar para tratar de atopar algunha solución, entre o seny catalán e o sentidiño galego".
Lafita
Sobre Lafita, Augusto Cesar Lendoiro volveu deixar claro que é "cento por cento" do Deportivo. "O contrato establece claramente que o prazo para depositar ese primeiro pago (2 millóns de euros mais IVE) dun total de 3 millóns de euros mais IVE finalizaba o pasado 30 de xuño. Agora queda que os tribunais, ou a liga ou a Federación Española interpreten que o Zaragoza poida recomprarlo xa este verán pero polos 3,5 millóns de euros mais IVE que é o que esta fixado para antes de xuño de 2010". En calquera caso, Lendoiro asegurou que o Club maño non fixera pago algún a día de hoxe.
Xira e amigables confirmados
En canto á xira, Lendoiro confeso que o Embaixador de España en México e o Cónsul Xeral de Cancún "pedíronnos que pospuxésemos a viaxe para o ano que vén porque as circunstancias así o requirían. Por conseguinte, o Club xa estivo a traballar nun plan B". Desta forma, o dirixente deportivista confirmo oficialmente estes partidos:
23 de xullo. A.S. Roma - Deportivo (pendente de pechar os últimos flocos) no estadio que indique o Club italiano
1 de agosto. Toulouse - Deportivo na cidade francesa
7 de agosto. Vitoria de Guimaraes - Deportivo na cidade portuguesa
8 de agosto. Leixoes - Deportivo (por confirmar)
10 ou 11 de agosto, Trofeo Teresa Herrera en Riazor entre o Deportivo e o Atlético de Madrid
13 de agosto. Cádiz - Deportivo, do Trofeo Ramón de Carranza
15 de agosto. Terceiro ou cuarto posto ou gran final, segundo resultado da semifinal
