Inês Pereira e a súa selección, Portugal, mediuse este luns 7 de xullo a Italia no segundo partido da fase de grupos do Campionato de Europa que se xoga en Suíza.
O encontro entre portuguesas e italianas no Stade de Genève en Ginebra acabou en 1-1 cun gol do empate luso a cargo de Diana Gomes no minuto 89.
Nesta ocasión, a gardameta deportivista seguiu o encontro desde o banco.
Inês Pereira foi titular no primeiro partido do torneo, que acabou con vitoria de España por 5-0.
O último partido de Portugal nesta fase de grupos será este venres 11 de xullo ás 21:00 ante Bélxica en Sion.
O calendario de partidos da futbolista do Dépor ABANCA, cos resultados dos xa xogados, é o seguinte:
Xoves 3 de xullo
ESPAÑA 5 - PORTUGAL 0
Luns 7 de xullo
PORTUGAL 1 - ITALIA 1
Venres 11 de xullo
21:00: PORTUGAL - BÉLXICA, no Stade de Tourbillon de Sion
Os dous primeiros pasan a cuartos de final, que arrincarán o 16 de xullo.
