LISTADO DE PARTICIPANTES NA GRADA SOLIDARIA DO DÉPOR ABANCA - REAL SOCIEDAD

A RC Deportivo Fundación, de cara ao encontro do Deportivo ABANCA deste domingo 3 de maio (12:00) fronte á Real Sociedad, reactivou a Grada Solidaria de ABANCA-RIAZOR, unha iniciativa na que cada partido destina un amplo cupo de entradas a ONGs, institucións ou entidades benéficas que traballan pola integración social, educación, infancia, saúde e solidariedade na nosa comunidade.Atendendo á política de transparencia e Responsabilidade Social Corporativa (RSC) do RC Deportivo e da súa Fundación, sempre se fan públicas as entidades que fan uso da grada solidaria, que para este partido son as seguintes: ADCOR, Aspronaga, ASPERGA (Asociación Galega de Asperger), CASCO (Comité Ciudadano Antisida de A Coruña) e Real Institución Benéfico Social Padre Rubinos.Para solicitar entradas para a Grada Solidaria, limitadas a 10 por asociación, o formulario está dispoñible neste enlace.