Luís Alberto: Non fixemos nada. Ningún equipo está salvado con 5 puntos
Luís Alberto compareció en rolda de prensa esta mañana en Abegondo. O atacante andaluz, autor do segundo gol en Vallecas, aseguró que "estamos contentos. Sabíamos que era un partido da nosa liga e que había que tent
Confesa a nivel individual que "volvín gozar xogando e quédome coa vitoria. Agora mesmo hai que mirar polo conxunto".
Do Sporting de Xixón, rival do Dépor este domingo 20 de setembro en Riazor (16.00 horas, Canle + Liga / Abono Fútbol), advirte que é un equipo "moi traballado. Van todos a un tempo. Seguramente haberá menos espazos que o día do Raio. Cada partido hai que traballalo dunha maneira diferente, e niso estamos".
A pesar do bo arranque de tempada, Luís Alberto lembra que "isto acaba de empezar. O equipo vai todo a unha. En casa hai que seguir co mesmo nivel ou incrementalo".
Neste sentido, apunta que "está claro que non fixemos nada. Ningún equipo está salvado con 5 puntos. Temos boa dinámica pero os pés no chan, que isto acaba de empezar. Son 38 partidos e isto é moi longo".
