Lux pide ''ter moita ilusión, moita fame e gañar, adoitarnos a gañar''

Advirte Lux que a meta do equipo é "tratar de cumprir o obxectivo canto antes, de ter unha permanencia máis tranquila, que hai anos que non nos sucede. Estamos enfocados niso".

 

Iso si, lembra que "hai que ir partido a partido, o obxectivo telo claro, ter moita ilusión, moita fame e gañar. Adoitarnos a gañar. Ser fortes en Riazor. Xa van dous partidos e perdemos un. Aí é onde nos temos que facer máis fortes".

 

A xuízo do porteiro branquiazul, "é importante ter un equilibrio defensivo. Todos os adestradores búscano. É certo que para puntuar é importante ter gol e crear situacións de gol. Porque é o que nos vai a facer sumar máis puntos. Hai que buscar o equilibrio, ser sólidos defensivamente e facer gol. E cando facemos gol, coidalo como ouro".

 

En canto á saída de Lucas, Lux apunta que "somos os que somos e temos que apertar, seguir adestrando, mellorando, con ilusión, con fame. Non está Lucas pero hai outros compañeiros que seguramente o farán moi ben. Hai que estar con eles, ser todos iguais, axudar, sumar, buscar en cada campo sumar sempre".

 

Do mesmo xeito expresouse ao ser preguntado pola baixa de Sidnei por lesión: "Sinceramente cando me toca xogar confío tanto en Sidnei como en Arribas, como en Albentosa, Nacho (Monsalve) se ten que xogar, como en calquera outro central que o teña que facer. Entro ao campo confiando en todos os meus compañeiros, e nos que están fóra. Temos un grupo moi bo, temos que seguir así. Temos moita marxe para mellorar".