Para o internacional brasileiro, "é ilusionante seguir nesta competición. Por iso, debemos estar preparados ao cento por cento, porque é importante seguir adiante por prestixio, a nivel económico... Iso si, estou convencido de que todos os grupos serán moi equilibrados, aínda que nós si estamos convencidos das nosas posibilidades".
Pero antes, toca Liga en Zaragoza, o domingo ás 21.30 horas. "Sabemos que na liga, calquera equipo pódeche complicar", indica Mauro, quen, no entanto, recoñece que A Romareda é un estadio que non se lle dá nada mal ao Deportivo: "É un campo bo, o Zaragoza xoga ben ao fútbol e normalmente está en boas condicións, o que pode permitir desenvolver un gran xogo".
Recoñece Mauro que o partido chega nun bo momento, tras eliminar ao Rosenborg na previa da liga de Campións: "Deunos moita tranquilidade superar esta eliminatoria", aínda que vaticina unha Liga española especialmente difícil este ano: "Vai ser unha competición moi dura. Os equipos reforzáronse bastante e teremos que sufrir para sacar os partidos adiante, sobre todo fóra do noso estadio".