Molina: "O único que nos falta é encadear dúas vitorias seguidas"
Hoxe dous clásicos do Deportivo pasáronse pola sala de prensa de 'O Mundo do Fútbol': Molina e Manuel Pablo. Segundo unha estatística publicada o pasado mes de outubro polo Diario Marca, a meta valenciano e o lateral marchan en quinta e sexta posición no
Pois ben, Molina cre que ao Deportivo "só nos falta encadear dous partidos consecutivos gañando". Di que Vilarreal é un campo especial por aquel homenaxe tributada polas dúas afeccións nada máis coñecer a enfermidade que superou a meta deportivista e asegura que o equipo está centrado na liga, "só miramos a Atenas porque sabemos que temos que facer a maleta para os dous partidos". En canto ao balón amarelo co que se xogará no Madrigal o vindeiro sábado (20.00 horas, pago por visión) matiza Molina que "se cadra pode haber algún problema de visión cando sexa de noite. Aínda que de momento non o puiden comprobar porque estamos a adestrar sempre de día".
Por fin, Manuel Pablo destacou que o Vilarreal "está a facer bos partidos en UEFA pero quizais aínda non na liga". Cre que en Nadal, "podemos estar entre o cinco ou seis primeiros" e para o Barcelona-Madrid, opina que "o ideal para nós sería un resultado negativo para o Barça, porque é o que está máis distanciado".
