O Deportivo ABANCA disputará seis encontros amigables na pretemporada do curso 22-23, no que competirá na nova segunda categoría nacional, a Primeira Federación feminina.
O Deportivo ABANCA ponse en marcha en dous días. O luns 25 de xullo, o cadro está citado ás 9:00 na Cidade Deportiva para recibir a benvida da adestradora Irene Ferreras e ser sometido a unha primeira avaliación física.
Ao día seguinte, martes 26, as xogadoras deportivistas pasaranse desde as 8:00 polo centro Quirónsalud de ABANCA-RIAZOR para as pertinentes probas médicas, analítica incluída, a cargo dos Servizos Médicos do Real Club Deportivo. Pola tarde, ás 17:30, terá lugar o primeiro adestramento na Cidade Deportiva.
Non será até o mes de agosto cando dispute o seu primeiro encontro preparatorio, o sábado 6 fronte ao Valadares Gaia FC portugués. Con posterioridade medirase a SD Eibar (mércores 17), Viajes Interrías FF (domingo 21), Real Oviedo Femenino (domingo 28) e Athletic Club B (sábado 3 de setembro). Ademais, tamén disputará o X Trofeo Teresa Herrera.
A liga arranca o sábado 10 ou o domingo 11 de setembro
O Deportivo ABANCA iniciará a liga en Primera Federación (antiga Reto Iberdrola) o vindeiro sábado 10 ou o domingo 11 de setembro. A competición concluirá o 14 de maio de 2023. As datas dos playoff de ascenso serán o 21 e 28 de maio.
O 19 de setembro disputarase a primeira eliminatoria da Copa de SM A Raíña, cuxa final a catro será do 23 ao 28 de maio de 2023.
Os 15 rivais do Dépor ABANCA na nova segunda categoría nacional, de grupo único, serán: SD Eibar, Rayo Vallecano de Madrid, RCD Espanyol de Barcelona, CDF Osasuna Femenino, DUX Logroño, FC Barcelona B, Cacereño Femenino, Granada CF, CD Juan Grande (San Bartolomé de Tirajana, Las Palmas), UD Granadilla Tenerife B, SE AEM (Lleida), Real Oviedo Femenino, CD Alba FF, Athletic Club B e Córdoba CF.
