O Dépor vaise perfilando de cara ao sábado 13 de agosto en ABANCA-RIAZOR ás 20:30 horas, día e hora da LXXVII edición do Trofeo Teresa Herrera ante o FC Metalist Kharkiv ucraíno.
Será a quinta cita da Dépor Xira Integral Motion 2022 e único partido na Coruña do verán antes de arrancar a liga en Primera Federación o 27 ou 28 de agosto.
Esta mañá, na única sesión do día, Borja Jiménez incidiu en aspectos defensivos cunha tarefa de transicións defensivas e un exercicio específico para os defensores co que concluíu a mañá.
Un partido oito contra oito e un roldo após un quecemento completaron a xornada.
Estiveron con traballo personalizado Villares, Héctor, Ibai Gómez e Raúl Carnero; ademais de Víctor Narro, que quedou na casa con gastroenterite.
Roberto Olabe entra na recta final da súa recuperación e hoxe completou toda a sesión co grupo.
Mella, Yeremay, Jairo e Dani Barcia, con Tim Caroutas nalgunha tarefa, foron os representantes de #ANOSACANTEIRA; aínda que o primeiro retirouse antes aos vestiarios con molestias nunha cadeira.
Mañá xoves 11 de agosto, o Dépor adestrarase de novo na Cidade Deportiva a partir das 10:30 horas, aínda que os futbolistas están citados na instalación ás 9:00 para almorzar.
