Scaloni é un dos comodines do que frecuentemente bota man Javier Irureta antes e durante os partidos. Desde que chegou ao Deportivo (xaneiro de 1998), a afección deportivista viuno xogar de lateral destro, interior e nalgunha que outra ocasión, de pivote. En Albacete, e ante a sanción por un partido a Sergio, o italo-arxentino podería ocupar a posición de medio-centro, á beira de Mauro Silva. É unha das opcións que baralla o técnico vasco. As outras dúas son as de Fran e Djalminha. Hoxe, na pachanga disputada en "O Mundo do Fútbol" situou no mesmo equipo a Mauro, Scaloni e Fran. "Hoxe desde logo non me comentou nada. Onte mércores si que fixen algún movemento nesta posición", recoñeceu Scaloni na sala de prensa de Abegondo. Desde logo, o xogador deportivista promete que sairá a xogar "sen ningún complexo. Como en calquera outra posición".
Comparte a opinión de Molina, que vería xa complicada a liga se o líder chégase a pór a nove puntos: "Son en realidade tres partidos de desvantaxe e xa non dependeriamos de nós. Pero o ano pasado, no mes de xaneiro ou de febreiro, marchabamos de quintos e case ao final puxémonos de líderes", lembra Scaloni.
24/11/2005 22:03 |
Scaloni anuncia que cumprirá o seu contrato co Deportivo e regresará despois ao fútbol arxentino
O capitán do Deportivo, Lionel Scaloni, quixo hoxe xoves na sala de prensa de 'O Mundo do Fútbol' ratificar as declaracións que efectuou na Cadea Ser onte mércores nas que afirmaba que o seu desexo era cumprir o seu contrato no Deportivo, que expira en xuño de 2007, e posteriormente regresar ao seu país, para acabar a súa carreira profesional no Estudantes.
05/10/2005 21:07 |
Scaloni: Non me quero marchar do Deportivo. Ninguén me vai a tratar mellor que este Club
O Deportivo adestrou hoxe en 'O Mundo do Fútbol'. O xoves volverao a facer á mesma hora en Abegondo. Ao finalizar a sesión de hoxe, o capitán do equipo, Scaloni, compareceu en sala de prensa a petición dos medios informativos. Estas foron algunhas das súas frases:
02/09/2005 10:31 |
Scaloni, Cascarilleiro de Honra
Lionel Scaloni foi nomeado Cascarilleiro de Honra pola Pena Deportivista Cascarilleiros do Riazor.
