Sebastián Taborda, novidade na lista de convocados para o partido ante o Real Madrid
Sebastián Taborda regresa a unha convocatoria. O dianteiro uruguaio é a gran novidade na lista de futbolistas que esta tarde viaxarán a Madrid para enfrontarse mañana domingo (17.00 horas, Pago por Visión) ao Real Madrid no Est
Ademais de Taborda, Lotina citou a estes 17 futbolistas máis: Aouate, Munúa, Manuel Pablo, Adrián López, Coloccini, Filipe, Aythami, Barragán, Sergio, De Guzman, Cristian, Juan Rodríguez, Gardado, Verdú, Riki, Bodipo e Xisco. Miguel Anxo Lotina expresou esta mañá na sala de prensa do Mundo do Fútbol a gran dificultade que ten agora mesmo para facer unha lista de convocados. "É realmente difícil. Todos están a traballar moi ben", comenta o técnico vaso.
Para o choque de mañá ante un dos grandes aspirantes ao título, Lotina fixo este razoamento: "Estamos xa cansados de ir ao Bernabéu, facer un bo partido e perder. Aínda que é importante a imaxe, o máis importante no fútbol son os resultados". Por conseguinte, o adestrador deportivista aposta pola practicidad nun campo sempre complicado de puntuar.
Verdú pediu tamén en sala de prensa que o equipo estea ben en defensa. "Sacamos algo positivo cando estamos ben atrás", apuntou o centrocampista catalán, para quen sería "malo que o Real Madrid estivese a atacar todo o tempo. Ao final sempre márcanche un. O ideal sería que se eles fan unha ocasión, nós ao momento outra", comenta.
Asiste ás roldas de prensa de Lotina, Verdú e Aouate, que mañá cumpre 125 partidos en Primeira e será o futbolista israelí con máis encontros en Liga en España, en Canaldeportivo.tv
Tras o partido, o equipo regresará á Coruña en voo chárter. Todo o persoal está citada de novo ás 10.30 o luns no Mundo do Fútbol.
