RCD / NOVAS

Novas:

Tino Fernández sobre #onosoderbi: ''todo o que pase no exterior ten que ser unha festa''

  Antes de participar na proyección dunha decena de vídeos históricos inéditos nos que aparece o RC Deportivo entre os añvos 30 e 70, o presidente do Club, Tino Fernández atendió aos medios de comunicación presentes. Quixo "felicitar aos impulsores porque estes proxectos de memoria fannos lembrar a todos a historia que ten este Club, para mostrar o orgullo de ser do Deportivo. Para nós é importante esta recuperación da memoria".

21/10/2016 08:48

De face ao derbi do domingo en Balaídos está: "con ganas de gañar e lograr a primeira vitoria fóra de casa. O equipo está ben, sólido, ordenado e cun grupo unido. As vitorias van chegar porque vexo aos xogadores moi enchufados e con ganas de gañar este fin de semana". Defendeu a "máxima rivalidade deportiva, que todo o que teña que pasar pase no terreo de xogo. Todo o que pase no exterior ten que ser unha festa, un ambiente de normalidade como no derbi vasco".
 
Sobre a renovación de Sidnei manifestou que "o acordo é total, estamos en proceso de intercambio de documentos. Nin eles nin nós temos ningunha dúbida respecto diso".
 
Tamén falou das obras en marcha en Riazor: "o céspede estará a principios da semana que vén. Cando estea pechado o traballo comunicarémolo. Era unha obra necesaria polo estado e a imaxe do campo. É un diñeiro importante para nós pero tiñamos que facelo" e das pendentes como o cambio de cuberta: "pensamos que é unha necesidade, un proxecto que hai que facer si ou si e canto antes póidase facer mellor. Falando dunha obra de envergadura como esta, hai que empezar a camiñar".
 
Sobre a Xunta de accionistas deste ano avanzou a posible data: "traballamos cunha data similar á do ano pasado, o día 1. Se pode ser, será ese día".
 
Cuestionado sobre o equipo feminino quixo aclarar que "fixemos un acordo por dous anos co Concello de Arteixo. É un tema resolto por agora. No seu momento pedimos xogar na cidade, non puido ser, necesitabamos un campo, pedímolo, non tivemos resposta e non quero abrir ningunha polémica. Só agradecer ao Concello de Arteixo e ao Orzán o seu apoio para pór en marcha este proxecto e que puidese arrincar no momento necesario".
 
Para finalizar, valorou a última incorporación do Fabril, Manu Molina, ao ser cuestionado polos 25 anos de idade do xogador: "é un criterio da dirección deportiva que comparto. Non todo o Fabril teñen que ter proxección para chegar ao primeiro equipo. Se queremos cambiar de categoría non vexo en que medida pode ser malo para que outros xogadores do Fabril crezan estean acompañados por xogadores máis veteranos".

Máis novas de: TINO FERNÁNDEZ

RCD / Noticias Relacionadas