O Fabril tropezou (1-0) na súa visita ao Alondras CF, en partido correspondente á 17ª xornada en Terceira RFEF.
Nunha semana con masiva representación fabrilista nos adestramentos do primeiro equipo (Diego Gómez, Brais Val, Martín Ochoa, Puerto e Hugo Ríos) e onte con Hugo Ríos, Brais Val e Puerto sentados mesmo no banco de ABANCA-RIAZOR con motivo do choque do primeiro equipo ante o CF Rayo Majadahonda, Óscar Gilsanz puido contar en Cangas con todos eles.
A pesar de todo, o filial non puido romper a barreira defensiva do conxunto de O Morrazo, que soubo replegarse moi ben a raíz do único gol do partido, que chegou ao cuarto de hora de xogo.
Ao Alondras CF púxoselle o partido de cara, tal e como desexaba, e defendeu con uñas e dentes a súa portería, necesitado de sumar puntos para saír da zona perigosa da clasificación.
A pesar desta derrota, terceira da temporada para o Fabril, o cadro branquiazul lidera a táboa de Terceira RFEF con 35 puntos.
Fabril: Hugo Ríos, Marc, Puerto, Dani Barcia, Iano Simao, Brais Val, Jairo, Iñaki, Diego Gómez, Nájera e Martín Ochoa. Tamén xogaron: Rubén, Jesús Ares, Barba, Iván e Currás.
A próxima fin de semana, a Fabril visita a un rival directo polo título, o Arosa SC, segundo na táboa.
Os resultados do Fabril en liga até a data son os seguintes:
UD Paiosaco 0 - Fabril 1 (Diego Gómez)
Fabril 1 (Dani Barcia) - Alondras CF 1
Fabril 2 (Jairo e Diego Gómez) - Arosa SC 1
CD Estradense 2 - Fabril 2 (Nájera -2-)
Fabril 4 (Nájera -2- e Martín Ochoa -2-) - CSD Arzúa 0
Rápido de Bouzas 0 - Fabril 0
Fabril 6 (Nájera -2-, Martín Ochoa -3- e Iván) - Viveiro CF 0
Gran Peña FC 1 - Fabril 2 (Martín Ochoa -2-)
Fabril 3 (Nájera, Diego Gómez e Marc Lachèvre) - Silva SD 2
Atlético Arteixo 1 - Fabril 2 (Martín Ochoa e Dani Barcia)
Fabril 3 (Martín Ochoa, Diego Gómez e Iván) - CD Choco 1
UD Ourense 2 - Fabril 2 (Martín Ochoa e Iano Simão)
Fabril 0 - UD Somozas 1
Racing Villalbés 0 - Fabril 0
Fabril 4 (Nájera, Iano Simao, Martín Ochoa e Diego Gómez) - CD Barco 1
Fabril 2 (Jesús Ares e Diego Gómez) - UD Paiosaco 0
Alondras CF 1 - Fabril 0
