Bruno Gama, Carles Gil e Gaël Kakuta exercitáronse esta mañá co grupo, no regreso aos adestramentos do Deportivo, de fronte ao choque deste sábado 28 de xaneiro en Ipurua ante o Eibar (18:30, Bein Sports).
Os Servizos Médicos do Club agardarán agora aos próximos días para comprobar se Bruno Gama e Gil reciben a alta médica e estarían a disposición de Garitano para o partido desta fin de semana.
Hoxe, cos fabrilistas Óscar e Quique Fornos, o técnico deportivista realizou un traballo táctico por liñas. Un exercicio de forza e outro de transicións (defensa-ataque e ataque-defensa) puxeron o punto e final ao traballo sobre o céspede.
Mañá mércores, o equipo está citado de novo en Abegondo ás 11:00 horas.
