A capela ardente de Arsenio Iglesias estará instalada no Estadio ABANCA-RIAZOR o venres 5 de maio desde as 21:30 e até as 23:30 h. e mañá sábado 6 entre as 09:00 e as 12:00 h. para que todos os Deportivistas que o desexen poidan mostrar o seu agarimo e respecto á Lenda Deportivista.
O acceso xeral para o Deportivismo será polo Control de Accesos do Estadio ABANCA-RIAZOR, Bancada de Pavillón, entre o Palacio dos Deportes e o Estadio.
A partir de aí farase un percorrido até o banco, onde se poderán depositar flores ou recordos antes de acceder ao túnel de vestiarios. No acceso ao campo dos futbolistas, que tantas veces transitou como xogador e adestrador, instalouse a capela ardente.
Após a capela ardente, Arsenio Iglesias será enterrado no cemiterio do seu Arteixo natal o sábado ás 13:00 h. na máis estrita intimidade.
