A débeda en neto real do Real Club Deportivo da Coruña SAD é de 28 millóns de euros
Augusto César Lendoiro, Presidente do Deportivo, ofreceu esta tarde na sede do club na Praza de Pontevedra unha rolda de prensa para explicar aos medios de comunicación os números que presentará a entidade na próxima Asemblea Xeral de Accionistas que terá
Quixo deixar claro Lendoiro que o club reduciu a súa débeda en aproximadamente 24 millóns de euros. "Ademais nós debemos diñeiro pero tamén se nos debe moito. E a diferenza entre o que debemos e o que nos deben nos próximos 6-7 anos é de 28 millóns de euros, que é a débeda real neta do Deportivo", explicou.
Insistiu en pedir o apoio das entidades financeiras "hoxe en día é imposible comprar futbolistas de nivel sen o apoio dos bancos. Ninguén é capaz de adquirir un xogador de calidade pagando en man", e así mesmo aventurou que nos próximos meses, o club activará de "modo definitivo" a ampliación de capital social.
Por fin, Augusto César Lendoiro cre que o exemplo do Deportivo é "único no fútbol mundial. Ningún club do mundo mantívose tantos anos na elite sendo como somos nós un equipo dunha cidade pequena, sen ningún spónsor especial, sen ningún propietario que asuma posibles déficits... E para seguir onde estamos precisamos o esforzo de todos".
O Deportivo presentará superavit económico por décimo sexto ano consecutivo. Neste exercicio será de 278.439 euros.
