A Deportivo gana en Bilbao despois de cinco anos
O Deportivo gañou en Bilbao por 3 a 2 ao Athletic nun emocionante encontro no que os de Irureta, que chegaron a adiantarse por 3 a 0 con goles de Pauleta, Flavio e Víctor, viron como os biscaíños recortaban distancias con tantos de Jose Mari e Ezquerro. F
O técnico deportivista manifestou ademais que "co 1 a 3 acusamos varios factores, como o cansazo acumulado polo partido do xoves, o público animou moito ao equipo en San Mamés e o Athletic veu arriba, e marcou rapidamente o 2 a 3 pillándonos descolocados." "Afortunadamente puidemos frear o seu ritmo e conseguimos un resultado moi digno en San Mamés". Irureta destacou tamén o traballo e a capacidade de loita dos xogadores, sobre todo de Pauleta, autor dun gol.
Para o adestrador deportivista, o partido en San Mamés era difícil, "tiñamos dúas saídas complicadas, primeiro a Bilbao e logo a Mallorca, e xa superamos a primeira con bo resultado, agora a seguir traballando para os próximos enfrontamentos."
Para Luís Fernández, que estaba sancionado e tivo que ver o partido desde a bancada, a poucos metros do banco, "o meu equipo gustoume ao principio e na segunda metade, pero o xogo sempre ten cousas boas e cousas malas, e de todo apréndese, das vitorias e dos erros, loitamos no partido, e mañá xa esqueceremos o resultado e seguiremos traballando con ganas de ir a Málaga a por o tres puntos."