CON VARIAS AUSENCIAS O EQUIPO BRANQUIAZUL RENOVOU A ACTIVIDADE DOS ADESTRAMENTOS
Por fin, e por suposto moi condicionado á hora da final de Cópaa Príncipe de Asturias de baloncesto que se disputará no Palacio dos Deportes coruñés, xa se coñece a hora de comezo do encontro do domingo entre o Deportivo e o Bilbao Athletic, que será ao oito da tarde.
En principio, aínda que diso tratará de xustificarse ao mediodía de hoxe en rolda de prensa a directiva deportivista, non caeu nada ben a hora de comezo do encontro, ?que se fóra en sábado, dicíanos onte un socio deportivista en chamada á Redacción, non estaría mal, pero en domingo apenas ten xustificacións?.
-Fran e Raudnei recupéranse.
Aínda que haberá que esperar un par de días máis, hoxe e mañá, parece que tanto Fran como Raudnei estarán do todo recuperados para o domingo, aínda que é certo que onte soamente cumpriron unha parte do programa físico e nada de balón, na sesión de traballo ?a primeira da semana- que os branquiazuis tiveron pola mañá na Cidade Deportiva Municipal da Torre tras o regreso de Sevilla. Fran pasou por radioloxía, con obxecto de que lle fosen feitas unhas radiografías do pé magoado, pero afortunadamente non ten problemas serios.
Ademais destas dúas novidades, co fraco Gil cumprindo como o que máis a pesar das molestias, houbo algunha máis á hora de cumprir con todo o programa de traballo, tanto físico como técnico, posto que faltaron tres compoñentes do persoal titular: José Ramón, que terminou o seu permiso no mili e incorporouse aos seus deberes coa milicia; Chus Hevia viaxou a Oviedo para traerse a súa familia á Coruña, e Santi Francés gozou dun permiso por exames.
