A maqueta do novo Estadio de Riazor será exposta en Santiago de Compostela
A maqueta do novo Estadio de Riazor deseñada polo prestixioso arquitecto norteamericano Peter Eisenman será exposta o próximo verán en Santiago de Compostela, con motivo dunha Exposición de Arquitectura Contemporánea auspiciada polas Consellerías de Viven
Hoxe luns, dous profesores da Universidade de Santiago dirixíronse ao Real Club Deportivo para ver a maqueta e dar os primeiros pasos necesarios para que o Club acceda á súa petición. Actualmente, o proxecto de Eisenman pódese ver exposto na Deportienda.
David Chao, un dos encargados da organización deste evento en Santiago, que irá desde o 28 de xuño ao 2 de setembro, asegura que a intención é que "a exposición traspase as fronteiras galegas e españolas".
Peter Eisenman deseñou un novo Estadio de Riazor tendo en conta o emprazamento inmellorable do recinto e a filosofía do Consello de Administración do Deportivo, de contar cun estadio de uso diario e un atractivo turístico máis para A Coruña.