A pegada do Fabril decantou esta mañá no campo da Grela 1 o derbi coruñés ante o Silva (2-5). Os locais aguantaron a primeira metade, á que se chegou con empate a dous goles.
Tras o descanso, os fabrilistas, que sempre levaron a iniciativa no marcador, lanzáronse a por os tres puntos, obxectivo que lograron con tres goles na recta final, de Borja Galán e Borja Domingo -2-.
Con este resultado, o Fabril segue terceiro con 42 puntos, pero igualado xa co Racing Villalbés, segundo; e a 4 puntos do líder, o Rápido de Bouzas, que suma 46 puntos.
Fabril: Álex Cobo, Blas, Quique Fornos, Arnau, Lucas, Edu, Óscar, Queijeiro, Jardel, Manu Molina e Borja Galán. Tamén xogaron: Álex Corredera, Carreón e Borja Domingo.
O próximo fin de semana, o Fabril recibe en Abegondo ao Barco