RCDeportivo RCDeportivo RCDeportivo
Skip to main content

A Praia Club entre o cinco candidatos a ser restaurante revelación do ano

O Consello de Administración tamén se referiu ao enorme esforzo que fixo o club na Praia Club, a Cidade Deportiva de Abegondo 'O Mundo do Fútbol', a Deporclínica ou a Deportienda. "Podo asegurar que todos eles dan beneficios", apuntou.

"Cando chegamos nós ao club, hai 17 anos, só había un piso na Praza de Pontevedra, e máis de 600 millóns de pesetas de débedas sobre un orzamento duns 280 millóns de pesetas. Hoxe en día, o Deportivo ten o seu patrimonio. Ten unha clínica, unha tenda, uns palcos VIP no estadio de Riazor que son unha fonte de ingresos notable para a entidade. Contamos cunha Cidade Deportiva con 13 campos de fútbol. E iso vai quedar para toda a vida. Para o gozar de todo o deportivismo", manifestou Lendoiro, quen quixo deixar claro que 'O Mundo do Fútbol' é propiedade do Deportivo. "Outra cousa é que haxa un dereito de superficie do Concello de Abegondo polo apoio que nos deu. Pero é propiedade do Deportivo", asegurou Augusto César Lendoiro.

Respecto á Praia Club, o dirixente deportivista dixo que "está entre o cinco candidatos de toda España a ser nomeado restaurante revelación" e apuntou que "nuns poucos meses o club vai recuperar cunha preciosa cristaleira a zona dos Arcados, unha paraxe tradicional na Coruña. Será unha obra que dignifique á cidade".

Lembrou que os investimentos realizados no Estadio de Riazor superan o mil millóns das antigas pesetas "para dignificar o noso campo e situalo á altura das circunstancias", subliñou Lendoiro.