O RC Deportivo continuará o vindeiro domingo 7 de marzo, no décimo cuarto partido de Liga en ABANCA-RIAZOR, fronte a Unionistas (17:00 horas), coa iniciativa "O Día DÉ", coa que abre o Palco de Honra do Estadio á afección e á cidadanía. Este encontro será "O Día DÉ Sanidade", no que o RC Deportivo convida a diferentes representantes sanitarios da nosa cidade.
Entre os asistentes atoparanse distintos profesionais da rama sanitaria, así como os máximos representantes dos diferentes colexios oficiais do mundo da sanidade, entre os que se atopa enfermaría, odontoloxía, farmacia, fisioterapia... Todos eles terán a ocasión de gozar do partido desde o palco principal do recinto, a localidade máis exclusiva e con mellor visibilidade de ABANCA-RIAZOR.
Desta maneira, e coincidindo este día co día Mundial da saúde, o RC Deportivo quere pór en valor e recoñecer o labor que estes profesionais desenvolven no seu día a día no coidado da sociedade.
En cada partido en ABANCA-RIAZOR esta temporada, máis da metade das localidades do Palco de Honra estarán dedicadas a un colectivo da cidadanía ou a un sector da afección, para facer a entidade máis próxima e dar protagonismo á masa social deportivista e agradecer o seu excepcional apoio unha temporada máis.
