Este sábado 8 de novembro, día do partido ante a Cultural Leonesa, abren os despachos de billetes do Palacio dos Deportes de Riazor desde as 15:30 horas.
Xa que o encontro foi declarado de alto risco pola Comisión Estatal contra a Violencia, o Racismo, a Xenofobia e a Intolerancia no Deporte non se venderán en despacho de billetes entradas de público, que unicamente estarán dispoñibles en calquera momento en bancada.rcdeportivo.es.
Os prezos das localidades serán a partir de 35 euros, suxeito a cambios segundo dispoñibilidade.
Os soci@s amigo teñen o 25% de desconto na compra de entradas.
Ademais, xa está operativa tamén a posibilidade de que as socias e os socios liberen os seus asentos en caso de non poder acudir a ABANCA-RIAZOR nesta ligazón.
