O deportivismo que acudiu a Riazor para presenciar o Dépor-Málaga do sábado mostrou tamén a súa cara máis solidaria coa doazón de 4.774,63 € para a repatriación de Moussa Cissé. Esta cantidade recadada, xunto coas doazóns recibidas por outras vías e directamente na conta aberta para o fin polos pais do mozo, permiten, segundo indicou ao Club a familia e o Deportivo Cristal, cubrir os gastos necesarios para a repatriación a Senegal do corpo do rapaz de 17 anos falecido o pasado luns na praia do Orzán.
O Real Club Deportivo quere agradecer sinceramente ao deportivismo o seu xesto solidario e que, novamente, demostrase que #anosaforza nunca falla.
