César Martín, en rolda de prensa, cre que o Vilarreal é un equipo
perigoso arriba. "Fichou a xente importante e seguro que vai ser un partido
moi difícil", comentou. Non lle preocupa ao central asturiano a posible
recuperación de Naybet tras superar a súa escordadura de nocello: "Eu o que teño
estar é sempre a disposición do adestrador e en boas condicións. Á
hora de decidir será o adestrador o que tome a decisión de quen xoga",
indicou César.
Pola súa banda, Albert Luque confirmaba a posibilidade de que o vindeiro domingo
poida aliñarse como dianteiro centro: " Parece que Walter ten
molestias físicas e que Diego aínda está un pouco curto de preparación e si existe
esa posibilidade. É unha posición que xa coñezo porque cheguei para iso ao
Deportivo", indicou o catalán, que espera, se finalmente xoga, responder á
confianza con goles.
Iso si, Luque recoñeceu que disputar moitos minutos en banda
esquerda permitiulle crecer e madurar como futbolista: "Obrígame, xogando nesa
posición, a facer movementos e cousas que eu antes non realizaba. E creo que
cada vez vou mellorando máis", recoñeceu o dianteiro deportivista.
