Adrià Altimira Reynaldos (Cardedeu, 28 de marzo de 2001) e Paula Gutiérrez Caballero (Viladecans, Barcelona, 2 de marzo de 2001) recolleron esta mañá na sala de prensa do Dépor Training Center o premio ao xogador Estrella Galicia do mes de xaneiro polas súas actuacións nos partidos de liga ante o Cádiz CF, UD Las Palmas, UD Almería, Real Racing Club e Cultural Leonesa no caso de Altimira; e UD Costa Adeje Tenerife, FC Badalona Women e DUX Logroño no caso de Ainhoa Marín.
A terna de finalistas elixidos polos medios de comunicación que cobren a diario a información dos dous equipos branquiazuis foron a formada por Quagliata, Mario Soriano e Altimira no caso do Dépor; e Espe Pizarro, Lucía Rivas e Paula Gutiérrez no caso do Dépor ABANCA.
Nas votacións finais a cargo de #ANOSAFORZA a través das redes sociais do Club, Altimira foi o elixido no primeiro equipo masculino co 53,3% dos votos dos afeccionados, por 30,9% de Mario Soriano e 15,8% de Quagliata. No apartado feminino, Paula Gutiérrez impúxose co 43,2,9% por 36,7% de Lucía Rivas, que se estreaba nestas votacións, e 20% de Espe Pizarro.
Ambos os futbolistas, galardoados por primeira vez e no caso de Altimira no seu primeiro mes como xogador do Dépor, quixeron agradecer a "os medios de comunicación, a Estrella Galicia e a #ANOSAFORZA" este recoñecemento.