Ainhoa Marín manifestou na sala de prensa do Dépor Training Center nada máis recoller o Premio Estrella á mellor xogadora do mes de decembro que no 2026 "queremos mellorar a nivel de resultados. De cara ao ano pasado mellorar esa clasificación. É o principal obxectivo".
A atacante deportivista cre que "sen balón podemos ser máis agresivas, atoparnos fortes en ABANCA-RIAZOR. Con balón estamos a nos atopar mellor sobre todo en casa. Hai que ter confianza e atopar espazos nos que sintamos cómodas".
Cre que o ano 2025 "foi bo. Crecemos en moitos aspectos. Podemos crecer moito máis".
Finalmente, do encontro deste domingo 11 de xaneiro ás 12:00 ante o UD Costa Adeje Tenerife Ainhoa Marín apunta que "co cambio de adestrador (Yerai Martín relevou a Eder Maestre a finais de 2025) non sabemos o que pode pasar. Creo que van seguir na mesma liña que os anteriores partidos. Espero a un rival con moita calidade. Teñen xogadoras moi boas. Os extremos gústanme moito. Tamén ten unha dianteira moi potente. Vai ser moi agresivo e con xogadoras de calidade que nos van a facer dano; pero estamos a traballar ben e creo que imos dar a cara".
