-Foto:@rfef.es
As futbolistas do Deportivo ABANCA Ainhoa Marín e Olaya Enrique participaron coa selección española sub-23 nun amigable este xoves 28 de novembro ante o combinado xermano.
O choque, que se xogou no Uhlsport Park de Unterhaching, caeu ao lado alemán por 3-0.
Ainhoa Marín (na foto co dorsal 14) foi titular e foi relevada após o descanso por Paula Comendador. Pola súa banda, Olaya arrincou o encontro desde o banco e saltou ao terreo de xogo no minuto 60 en substitución de Ariana Arias.
A seguinte cita para As Nosas coa selección española sub-23 será xa en casa, concretamente o luns 2 de decembro ás 18:00 na Ciudad del Fútbol de Las Rozas (Madrid) ante Francia.
O calendario de partidos de España sub-23, cos resultados dos xa xogados, é o seguinte:
Xoves 28 de novembro
ALEMAÑA 3 - ESPAÑA 0
Luns 2 de decembro
18:00: ESPAÑA - FRANCIA, na Ciudad del Fútbol de Las Rozas (Madrid)
Ao acabar este encontro, Ainhoa Marín e Olaya Enrique regresarán á Coruña para incorporarse á disciplina do Deportivo ABANCA.
