Alumnos do Centro de Formación Agraria de Guísamo visitan a Cidade Deportiva de Abegondo
Un total de 40 alumnos, divididos en dúas quendas, do Centro de Formación Agraria (C.F.E.A.) de Guísamo (A Coruña) pasáronse esta mañana polas instalacións da cidade deportiva do Real Club Deportivo en Abegondo.
Todos eles tiveron unha visita guiada polos diferentes campos e recibiron, nunha das aulas, unha charla sobre céspede deportivo.
A cidade deportiva de Abegondo, inaugurada en 2003, consta de 7 Campos de céspede natural de medidas practicamente iguais a Riazor, 1 Campo de céspede artificial, 6 campos de céspede natural de Fútbol 7 e máis de 16.000 metros cadrados de campos auxiliares de céspede natural.
En Abegondo adéstrase cada día o persoal profesional e o once equipos que forman as categorías inferiores, que ademais xogan alí habitualmente os seus partidos de competición. Ademais, é a sede da Escola de Adestradores do Real Club Deportivo.
