O Dépor puxo o punto e final á súa pretemporada cunha última semana na que se adxudicou o Trofeo Emma Cuervo e o Trofeo Teresa Herrera.
O balance dos branquiazuis é de 4 vitorias, 1 empate e tan só unha derrota, pola mínima ante o Watford.
Eddahchouri foi o máximo goleador con 5 goles, seguido por Yeremay con 3.
Tamén anotaron Bouldini, Rubén López, Cristian Herrera, Lucas Noubi e Charlie Patiño.
Os Nosos descansan este domingo 10 e o luns 11; e volve aos adestramentos o martes 12 ás 10:30 en Abegondo, coa vista posta xa no primeiro partido de liga en Granada.
Os resultados da pretemporada do Dépor foron os seguintes:
Mércores 23 de xullo, Estadio Vero Boquete - San Lázaro: SD Compostela 0 - Deportivo 5 (Eddahchouri -2-, Bouldini, Rubén López e Cristian Herrera)
Sábado 26 de xullo, O Couto, 2º Memorial Miguel Ángel: Ourense CF 0 - Deportivo 2 (Eddahchouri e Yeremay)
Mércores 30 de xullo, Vicarage Road: Watford 1 - Deportivo 0
Sábado 2 de agosto, Riverside Stadium: Middlesbrough 2 - Deportivo 2 (Yeremay e Lucas Noubi)
Mércores 6 de agosto, Municipal Pepe Barrera, 74ª edición do Trofeo Emma Cuervo: Real Oviedo 1 - Deportivo 2 (Eddahchouri e Charlie Patiño)
Sábado 9 de agosto, Estadio ABANCA-RIAZOR, 80ª edición do Trofeo Teresa Herrera: Deportivo 2 (Eddahchouri e Yeremay) - Le Havre AC 0
