-Foto:@rfef.es
Antía Veiga e Claudia Sande participaron esta semana nuns adestramentos na Ciudad del Fútbol de Las Rozas (Madrid) coa selección española sub-17 e sub-16 respectivamente.
Ambas as xogadoras, coas súas respetivos equipos, enfrontáronse nun amigable de preparación co que se puxo o punto e final a estas xornadas de traballo.
O pasado mes de novembro, a gardameta do Dépor ABANCA B foi titular coa sub-17 no tres partidos da Rolda 1 do Campionato de Europa da categoría en Portugal; con Bulgaria, Hungría e Portugal como rivais.
En outubro, foi convocada para o Mundial de Marrocos, no que España caeu nos oitavos de final derrotada por Francia na quenda de penaltis.
Con contrato en vigor até 2028, Antía Veiga leva até a data 8 partidos disputados de titular co Dépor ABANCA B en Segunda Federación.
Claudia Sande estreouse co filial ante o Atlético de Madrid C
Pola súa banda, Claudia Sande repite convocatoria coa selección española sub-16 posto que xa foi convocada por este combinado nacional o pasado mes de setembro de 2025.
A temporada pasada, Claudia Sande entrou en varias listas da selección española sub-15, incluíndo a súa participación en amigables ante Inglaterra ou un Torneo Desarrollo UEFA en Portugal.
A atacante deportivista milita no Orzán SD Sub-21 de Tercera Federación, equipo co que suma 10 partidos xogados, todos eles de titular, e 4 goles.
A pasada fin de semana, a futbolista coruñesa debutou en Segunda Federación co Deportivo ABANCA B no seu partido en Alcalá de Henares ante o Atlético de Madrid C. Substituíu no minuto 83 a Laura Ruiz.
