Antía Veiga está concentrada coa selección española sub-16 con motivo do Torneo Desarrollo UEFA que se xoga en Irlanda do Norte até o venres 15 de marzo.
No segundo partido da competición, a canteirá deportivista foi titular no triunfo español (5-0) ante a anfitrioa Irlanda do Norte. Foi substituída no minuto 46 por Alba Fortes.
Así mesmo, Antía Veiga seguiu desde o banco a vitoria de España (2-1) ante Islandia no primeiro choque.
O terceiro e último encontro para a selección será o venres 15 de marzo ás 11:00 ante Bélxica.
O calendario da selección española sub-16, cos resultados dos partidos xa xogados, é o seguinte:
Domingo 10 de marzo
ESPAÑA 2 - ISLANDIA 1
Martes 12 de marzo
IRLANDA DO NORTE 0 - ESPAÑA 5
Venres 15 de marzo
11:00: BÉLXICA - ESPAÑA
O regreso de Antía Veiga está previsto ao longo dese mesmo venres 15 de marzo.
Antía Veiga é un dos membros de #ANOSACANTEIRA que están no radar das categorías inferiores das seleccións nacionais dos seus países, como Kevin Sánchez, José Rey, Pablo García, Elena Vázquez e Lucía Rivas con España; Álex Delgado con Venezuela; e Amin Mustapha e Dunia Dahmouni con Marrocos.
