Antía Veiga está concentrada coa seleccion española sub-17 para disputar en Portugal a Rolda 2 do Campionato de Europa, paso previo á fase final que se xogará do 4 ao 17 de maio en Irlanda do Norte.
Kósovo, Hungría e Portugal serán os rivais do combinado nacional.
O primeiro partido para a canteirá deportivista será precisamente este domingo 1 de marzo ante Kósovo e arrincará ás 13:00 horas na Cidade do Futebol en Oeiras.
O choque poderase seguir nas canles oficiais da Selección Española e na web oficial da RFEF.
O calendario de Antía Veiga é o seguinte:
Domingo 1 de marzo
13:00: ESPAÑA - KÓSOVO, na Cidade do Futebol en Oeiras
Mércores 4 de marzo
13:00: ESPAÑA - HUNGRÍA, no Real Sport Clube en Queluz
Sábado 7 de marzo
16:00: PORTUGAL - ESPAÑA, na Cidade do Futebol en Oeiras
O pasado mes de novembro, a gardameta do Dépor ABANCA B foi titular con este combinado nacional no tres partidos da Rolda 1 do Campionato de Europa da categoría en Portugal; con Bulgaria, Hungría e Portugal como rivais.
En outubro, a canteirá formou parte da selección española no Mundial de Marrocos, no que España caeu nos oitavos de final derrotada por Francia na quenda de penaltis.
Antía Veiga leva até a data 11 partidos disputados de titular co Dépor ABANCA B en Segunda Federación.
