Antonio Hidalgo subliñou este venres na sala de prensa do Dépor Training Center que en Córdoba hai en xogo "3 puntos importantísimos para seguir na parte alta. Hai momentos de vaivén de emocións nesta categoría. Está moi igualada".
Así mesmo, o técnico deportivista pide "valorar onde está agora o equipo. Non é fácil a estas alturas estar onde estamos. Iso diche que tes que estar moi atento e moi concentrado contra un equipo (o Córdoba CF) que pon moita intensidade, ser atrevido, ser valente, expor un partido no que podamos ter moitas opcións e deixarlles a eles sen elas."
Precisamente do equipo andaluz, rival este domingo 16 de novembro ás 18:30 (LaLiga TV Hypermotion, TVG, GOL, TEN e Cayo TV) no Bahrein Victorious Nuevo Arcángel advirte que "é unha das saídas máis complicadas do ano contra un equipo moi ben traballado. Os equipos de Iván Ania son moi valentes, moi verticais. Te estresan moitísimo, ameázante constantemente. Aí hai un traballo de anos cun mesmo grupo. Están a facer unha gran campaña polo seu adestrador e os seus xogadores".
Finalmente, preguntado polo partido de Copa del Rey en Sabadell, Antonio Hidalgo comentou que "é a miña casa. Vivo a 20 minutos de alí. Entre xogador e adestrador estiven 8 temporadas. Téñolles moitísimo agarimo. É unha eliminatoria contra un equipo moi ben traballado por Ferrán Costa, unha entidade con moita historia estou moi contento de volver".
