Nun partido moi equilibrado que parecía controlado polo Deportivo, un Tenerife envorcado ao ataque sorprendeu aos coruñeses nunha contra que marcaría o punto de inflexión do encontro. Ata ese momento os branquiazuis -que xogaron de dourado- dominaron o centro do campo sen problemas. O resultado ao descanso era de vitoria visitante tras un gol de Scaloni que batía a unha magnífico meta, Julio Iglesias, de tiro cruzado.
No primeiro período o Deportivo tivo un par de ocasións por medio de Pandiani, pero o gardameta sempre estivo moi acertado. Nestes 45 minutos os locais non inquietaron en demasía a Songo'ou, tamén moi atento.
Tras o descanso os de Benítez saíron en tromba buscando o empate obrigando ao porteiro camerunés a lucirse. Sería no minuto 11 cando Hugo Morais dispara e o balón que golpea noutro xogador desvíase despistando á meta deportivista e anotando o gol do empate. A partir de aí Valerón e Pandiani, fundamentalmente, buscaron o gol da vitoria. Djalminha saíu en substitución de Duscher pero tan só uns minutos despois, tras un par de disparo peligrosísimos do brasileiro, o Tenerife adiantaríase no marcador cun tanto de Simutenkov, xogador que entrou no descanso no esquema local e que sería un revulsivo para o ataque tinerfeño.
Cinco minutos máis tarde o mesmo xogador ruso batería de novo a Songo'ou desde a frontal. E novamente tres minutos máis tarde os locais anotarían un novo gol anulado por fóra de xogo. Cando xa todo parecía sentenciado no período de desconto, o Deportivo volvería meterse no partido cun gol de Pandiani a pase de Djalminha. Pero xa era moi tarde para forzar a prórroga e ao final o Tenerife clasifícase para oitavos de final da Copa do Rei por 3-2.
O resto de resultados desta eliminatoria de Copa foron:
Toledo 0-Raio 1
San Sebastián de los Reyes 1-Athletic 2
Ximnástica 2- As Palmas 1
Compostela 1-Celta 3
Atlético 3- Osasuna 1
Estremadura 2- Valladolid 1
Badaxoz 0-Racing 4
Leganés 2- Numancia 0
Xerez 0- Mallorca 3
Ceuta 0-Barcelona 3
Granada 1 (clasificado)- Villareal 1
Guadix (clasificado)4- Valencia 4
Levante 0-Espanyol 2
Xaén 1- Murcia 1 (clasificado)
Beasain 0-Zaragoza 3
