O técnico, José María Branco, conta para esta campaña con catro novas incorporacións: Mauricio Rei, Mauri, dianteiro de 20 anos procedente do Coslada, Miguel Anxo Santaelena Augado, tamén dianteiro, de 22 anos que chega do Real Madrid B, Javier Gómez Cifuentes, do Albacete, centrocampista internacional de 19 anos e Miguel Anxo García Tebar, de 20 anos, tamén procedente do Albacete, centrocampista que participou coa selección sub-18 no último campionato do mundo da categoría. Os dous primeiros xogadores foron fichados por dúas tempadas mentres que os dous últimos veñen cedidos por un ano con opción de compra. Cabe destacar que Miguel Anxo Santaelena é irmán do ex deportivista Alfredo Santaelena e hoxe o xogador estivo arroupado polos seus pais, que se desprazaron á cidade herculina para ver os primeiros adestramentos do menor da saga na Coruña.
Óscar Seijas, o ex-xogador do Deportivo B, militará esta campaña no Malpica mentres que Héctor Barbeito xogará no Betanzos do mesmo xeito que Isaac Gómez, o xogador dos xuvenís de División de Honra que na pasada campaña xa participou co filial deportivista. Todos os integrantes do persoal do Deportivo B exponse esta tempada con gran ilusión. Só queda desexarlles sorte e moitos éxitos.
