-Foto:@rfef.es
As xogadoras do Dépor ABANCA Olaya Enrique Rodríguez (na foto na fila do medio a cuarta xogadora empezando pola esquerda, Avilés, Asturias, 10 de maio de 2005) e Marina Artero Moreno (na fila de abaixo a segunda xogadora empezando pola esquerda, Barrika, Biscaia, 14 de outubro de 2005) entraron na convocatoria definitiva de España para o Campionato do Mundo de Colombia que arrinca mañá domingo 1 de setembro.
España, vixente campioa do mundo, debutará ante Estados Unidos a partir das 22:00 (hora galega) no Estadio Olímpico Pascual Guerreiro de Cali.
Esta última semana, o combinado nacional xogou un último amigable de preparación no Estadio Deportivo de Cali ante a República de Corea. O resultado foi de empate sen goles (0-0) nun amigable con minutos de xogo para practicamente todas as convocadas.
O calendario de España e das dúas futbolistas branquiazuis é o seguinte:
Domingo 1 de setembro
22:00: ESPAÑA - ESTADOS UNIDOS, no Estadio Olímpico Pascual Guerrero (Cali)
Xoves 5 de setembro
00:00: ESPAÑA - PARAGUAI, no Estadio Olímpico Pascual Guerrero (Cali)
Domingo 8 de setembro
1:00: MARROCOS - ESPAÑA, no Estadio Olímpico Pascual Guerrero (Cali)
O Dépor ABANCA estará representado no torneo con 3 futbolistas: Marina Artero e Olaya por España; e Michi Apóstol por Venezuela.
