Hoxe iniciouse unha fin de semana de torneos amigables para varios equipos de #ANOSACANTEIRA.
Así, o Alevín B do Deportivo, que se proclamou recentemente campión do grupo 1º da Segunda Fase, disputou hoxe venres a Primeira Fase do torneo de fútbol oito 'Ourense a provincia termal', no Estadio do Couto (Ourense).
O conxunto deportivista que prepara Jorge Castro caeu eliminado ante dous equipos formados por xogadores un ano maiores e, o domingo 21, pelexará pola novena praza.
Os resultados de hoxe venres foron os seguintes:
Primeira Fase
Venres 19 de maio
ED OURENSE 1 - ALEVÍN B 0
ALEVÍN B 1 (Samuel) - SPORTING BRAGA 2
O Dépor, representado por dous equipos no Memorial Abel, en Rianxo
Alevín A e Benxamín B participan esta fin de semana no cuarto torneo de fútbol base Memorial Abel, competición organizada polo Club Deportivo Unión de Rianxo.
Así, o Alevín A quedou encadrado no grupo B, co Lugo, Boiro e Aguiño. A competición nesta categoría será o domingo 21 de maio, con este calendario:
Primeira Fase
11:15: ALEVÍN A - LUGO (campo 1)
13:45: ALEVÍN A - AGUIÑO (campo 1)
15:50: ALEVÍN A - BOIRO (campo 1)
Os dous primeiros pasan a cuartos de final, que se xogan a continuación.
Pola súa banda, o Benxamín B xoga mañá sábado 20 de maio. O conxunto deportivista terá como primeiros rivais ao Riveira e ao Taragoña.
O seu calendario é o seguinte:
Primeira Fase
11:25: BENXAMÍN B - TARAGOÑA
12:40: BENXAMÍN B - RIVEIRA
Segundo clasificación, os equipos pasan a unha Segunda Fase, da que sairán posteriormente os semifinalistas, todo iso a continuación.
O Infantil A participa no trofeo AB Energía, en Zaragoza
O Infantil A do Deportivo, campión xa do grupo 1º da Liga Galega, pelexará pola novena edición do Torneo AB Energía, no Centro Deportivo Puente de Santiago en Zaragoza, nun complexo adscrito á Federación Aragonesa de Fútbol.
O conxunto deportivista quedou encadrado no grupo 2, co Espanyol, Valencia e Athletic Club.
O calendario do Infantil A é o seguinte:
Primeira Fase
Sábado 20 de maio
9:00: ESPANYOL - INFANTIL A (Estadio Pedro Sancho)
11:00: VALENCIA - INFANTIL A (Estadio Pedro Sancho)
13:00: ATHLETIC CLUB - INFANTIL A (campo 3)
Os dous primeiros de grupo xogarán as semifinais; mentres que os outros dous equipos pasan a unha Fase de Consolación, para ditaminar a posición final.
O Infantil B, ao primeiro Torneo Infantil do CD Lugo
O Infantil B, campión do grupo 1º da Primeira Autonómica, compite mañá sábado 20 de maio na primeira edición do Torneo Infantil CD Lugo, que se xoga no campo lucense das Gándaras.
O conxunto deportivista que prepara Iván Vázquez quedou encadrado no grupo B, co UD Santa Mariña, Ourense CF e un rival da Fase Previa.
O calendario de partidos é o seguinte:
Primeira Fase
10:30: INFANTIL B - SANTA MARIÑA (campo 2)
12:45: INFANTIL B - GAÑADOR DA FASE PREVIA (campo 1)
15:45: INFANTIL B - OURENSE CF (campo 1)
Os dous primeiros de grupo acceden a cuartos de final, que se disputan xa pola tarde.
